Утринава се одиграа два меча од НБА Купот. Оклахома го победи Далас со 118:104, а Милвоки беше подобар од Орландо со 114:109. Ова значи дека Оклахома и Милвоки се пласираа во полуфиналето и ќе бидат дел завршницата на НБА Купот кој ќе се одржи во Лас Вегас.
Лоша партија на Лука Дончиќ, нешто што ретко му се случува, се разбира лоша за негови стандарди.
Словенецот за Далас постигна 16 поени, имаше 11 скокови и но шест загубени топки.
На другиот меч, оној меѓу Милвоки и Орландо одличен настап имаше Јанис Адетокунбо кој заврши со 37 поени, седум скокови и една асистенција. Исто така добар настап имаше и Демиен Лилард со 28 поени и девет асистенции. Тие двајца ги водеа “Бакси“ со победа против Орландо и до пласман во полуфиналето во НБА Купот.
