Бостон Селтикс стигна до нова победа во НБА лигата. Aктуелниот шампион беше подобар од Детроит со 123:99. Најефикасен кошаркар на Селтикс беше Пејтон Причард со 27 поени, четири скока и десет асистенции. Покрај него во редовите на Бостон се истакнаа и Дерик Вајт со 23 поени и Кристапс Порзингис со 19 поени.
На другата страна Рон Холанд постигна 26 поени со три скока, но него го следеше само Кејд Канингем со 18 поени, осум скока и осум асистенции.
Мајами Хит оствари нова победа против тимот на Торонто Репторс, конечниот резултат на натпреварот гласеше 114:104. Второто полувреме „жешките“ го започнаа со вистинска игра, а потоа нивното водство не беше доведено во прашање.
Најефикасен поединец во редовите на Мајами беше Тајлер Херо со 23 поени, четири скока и четири асистенции. Го следеше Бам Адебајо со 21 поен, 16 скока и пет асистенции.
Сакраменто Кингс стигна до неверојатна победа против Њу Орлеанс Пеликанс. Кралевите имаа двајца неверојатно расположени играчи кои на крајот ги доведоа до победа.
Домантас Сабонис синоќа реши да стане Арвидас Сабонис, а мечот го заврши со 32 поени и 20 скока со три асистенции.Го следеше ДеМар Дерозан со 29 поени, четири скока и две асистенции.
На Пеликанс не им помогна ниту неверојатната партија на Си Џеј МекКолум, кој постигна 36 поени.
