Ландо Норис конечно го доби она за што сонуваше во целата своја кариера – победа во домашната трка во Формула 1 на легендарниот Силверстоун.
Сепак, прославата по трката не помина без инциденти.
По неговиот триумф, Норис се упати кон ѕидот од боксот за да ги поздрави илјадниците фанови кои славеа со него.
Атмосферата беше еуфорична, а стотици фотографи и членови на тимот го опкружија возачот на Мекларен.
Во тој момент, двајца луѓе пред него се обидоа да се искачат на оградата за да ја одмотат црната ткаенина, но ја изгубија рамнотежата.
Во тој процес, еден фотограф падна наназад и случајно го удрил Норис директно во лицето.
Инцидентот се случи пред камерите, а лицето што го удри веднаш ја крена раката во знак на извинување. Норис рефлексно го држеше носот и се чинеше дека се чувствува малку непријатно, но брзо продолжи.
Во гаражата на Мекларен го пречекаа членови на тимот кои веднаш проверија дали сè е во ред.
Се испостави дека добил само мала гребнатинка на носот и немало потреба од дополнителен медицински преглед.
За среќа, овој незгоден момент не го засени еден од најважните денови во неговата кариера.
OH NO!!! LANDO GOT HIT IN THE FACE 😭☹️ pic.twitter.com/24gSiPB3Xn
— ray (@ln4norris) July 6, 2025
