И дефинитивно ракометната регионална лига е одложена за една година. Амбициозно воспоставената нова Регионална лига со екипи од Србија, Црна Гора и Македонија нема да тргне есенва, туку од следната 2027. Македонските екипи не сакаа да се откажат од домашната лига, другите сакаа, па на денешниот состанок во Скопјe на претставници на клубови од Србија, Македонија и Црна Гора, како и на раководителите на трите федерации, беше одлучено дека новото натпреварување ќе започне од септември 2027 година, а не од следната сезона како што беше планирано. Федерациите имаат една година да го подготват новиот систем на натпреварување.
Следната сезона ќе биде „пилот-проект“ – ќе се играат три регионални турнири со 10 екипи, по четири од Србија (Партизан, Војводина, Динамо од Панчево и Дубочица), четири од Македонија (Вардар, Охрид, Алкалоид и Еурофарм Пелистер) и два од Црна Гора (најверојатно Ловќен и Будванска Ривиера): пред почетокот на сезоната, пред вториот дел и конечно, замислен како завршен турнир, во Скопјe, Подгорица и Белград. Следната година треба да се формира лига која би ја имала поддршката од ЕХФ и можеби дури и би стигнала до Лигата на шампионите. Така, до септември ќе имаме натпреварување на клубови од три земји од поподготвителен и изложбен карактер, додека за сезоната 2027/2028 треба да добие и сериозен карактер, за да не играат тимовите со резерви. Исто така, во иднина, Регионалната лига ќе биде отворена и за други клубови надвор од овие три земји.
