После еден ден одмор, денеска продолжуваат натпреварите на Светското училишно првенство во ракомет.
Македонската женска кадетска репрезентација ќе игра четвртфинале против Бразил, дуел кој е закажан со почеток во 10:30 часот во салата „Македонско Сонце“. Нашите ракометарки со три победи во исто толку одиграни натпревари стигнаа до четвртфинале, беа подобри од Белгија, Грузија и Словачка.
Македонската машка кадетска репрезентација се бори за пласман во полуфинале. Избраниците на селекторот, Горан Кузманоски го играат последниот натпревар од групната фаза, за противник го имаат составот на Саудиска Арабија, и бод на оваа средба ќе биде доволен за пласман во полуфинале.
Доколку Македонија се пласира во полуфинале таму ќе игра со првопласираниот од групата Ц, а за ова место се борат Србија и Шведска.
