Фудбалерите на Челзи се пласираа во финалето на ФА Купот откако денес на „Вембли“ го победија тимот на Лидс со 1:0. Стрелец на единствениот гол за Челзи беше капитенот Енцо Фернандез во 23-тата минута.
Треба да се напомене дека Челзи победи веднаш по заминувањето на Лиам Розениор, откако израмни пет порази во Премиер лигата без постигнат гол, а по патот доживеа и болна елиминација во Лигата на шампионите од Пари Сен Жермен.
Челзи така ќе игра во големото финале против Манчестер Сити на 16 мај, исто така на Вембли.
