Вардар 1961 денеска го игра првиот четвртфинален натпревар во Европската лига. „Црвено-црните“ се гости на Монпелје, мечот е закажан со почеток во 20:45 часот.
Станува збор пресметка меѓу двајца поранешни победници на Лигата на шампионите во ЕХФ, Вардар го освои трофејот во 2017 и 2019 година, а Монпелје беше победник во 2018 и во 2003 година. И двата состава драматично се променија од тие неодамнешни успеси.
Македонскиот тим имаше само два порази во 10 натпревари од Европската лига на ЕХФ 2025/26 – по еден во секоја фаза, со поразот во прелиминарната рунда со само еден гол од Кристијанштад.
Монпелје стигна до четвртфиналето со вкупна победа над Елверум со 67:59 (36:24 и 35:31). Монпелје не можеше да го победи Кил, но однесе една победа над Фленсбург – единствените порази во сезоната беа против тие германски велесила.
Вардар нема играно едно европско четвртфинале од нивната втора титула во Лигата на шампионите на ЕХФ во сезоната 2018/19.
Последен пат овие два тима се сретнаа во 2022 година, Вардар го победи Монпелје на гостински терен.
Избраниците на Иван Чупиќ на овој дуел влегуваат после освојување на Купот на Македонија каде најавија дека целта е една – да се пласираат на фанл-фор завршницата и на своите фанови да им ја приредат најдобрата сезона.
Реваншот се игра во СЦ „Јане Сандански“ на 5. мај, половина сала веќе е распродадена.
