Охрид, а и ракометна Македонија се спрема за саботниот спектакл, на кој ракометарите на ГРК Охрид ќе го одиграат реваншот од полуфиналето во ЕХФ Европскиот Куп. Познато е дека на првиот меч беше 27:26 за тимот од Словенија, па ете ја шанса за историско европско финале за клубот од Охрид. Како што велат охриѓани се е подготвено за тој меч кој се игра во сабота од 19 часот.
Исто така денеска јавноста беше информирана дека пред реванш натпреварот ќе се организира и фан – зона пред салата „Билјанини Извори“, каде што фановите ќе можат да се “загреат“ пред самиот меч. Ќе има ди-џеј, фан шоп, музика, пијалоци, се што треба за ваков вид ракометна забава.
Инаку да потсетиме дека билетите се веќа распродадени, па така Целје го чека пекол во “Билјанини Извори“.
