Деновиве во Ванкувер (Канада) собрана е целата светска фудбалска елита поради Конгресот на ФИФА. Таму е и делегацијата на Фудбалската федерација на Македонија предводена од претседателот на ФФМ, Масар Омерагиќ и секако и нашата фудбалска икона, Горан Пандев, актуелен спортски директор на репрезентацијата. Дека е Гранде е легенда на Интер, уште еден доказ кога се најде во друштво на легендите на гигантот од Милано во Ванкувер да одигра еден пријателски меч и тоа заедно со претседателот на ФИФА, Џани Инфантино и Занети, Ето, Матераци, Кордоба, Мајкон, Камбијасо, Џоркаеф…како мало потсетување на славната 2010 година кога Гранде и неговите соиграчи освоија “триплета“ и беа најдобар тим во светот.
