По повеќе од месец дена пауза, Формула 1 се врати на патеката и приреди одлично шоу за сите фанови. Големата награда на Мајами донесе хаотична трка, вртења, судири и возбудливи трки од почеток до крај. По 57 круга поминати во близина на стадионот Хард Рок, возачот на Мерцедес, Кими Антонели, победи по трет пат оваа сезона во четири трки.
Иако не поминала ниту една третина од сезоната, пофалбите за Кими Антонели веќе стануваат секојдневие. 19-годишниот Италијанец им држи часови по возење на своите постари и поискусни колеги од трка во трка. Со својот настап во Мајами, тој го запиша своето име покрај легендите на спортот како што се Аиртон Сена и Михаел Шумахер, станувајќи само третиот возач во историјата што ги освоил своите први три пол позиции по ред. Како да не беше доволно тоа, италијанската тинејџерска сензација сруши уште два рекорда. Тој стана само третиот возач во историјата, заедно со двократниот шампион Мика Хакинен и шампионот од 1996 година Дејмон Хил, што ги освоил своите први три трки по ред. Тој исто така постави свој рекорд како прв возач во историјата на спортот кој ги претвори своите први три пол позиции во победи, подвиг што ниту седумкратните шампиони Михаел Шумахер и Луис Хамилтон, ниту Аиртон Сена, не го успеаја.
По Мајами, Антонели ја зголеми својата предност во пласманот на возачи на 20 поени пред соиграчот Џорџ Расел. Со многу трки што остануваат до крајот на сезоната, Антонели има моментум да се појави како сериозен кандидат за титулата.По трката следуваше фото и со Лео Меси, кој беше гостин на трката во Мајами.
