Искусниот Американец Бранден Џенкинс го предводеше Пелистер до победа во вториот полуфинален натпревар од домашниот кошаркарски плеј-оф против шампионот МЗТ Скопје. Битолчани во своја сала славеа со 81:76 и се изборија за „мајсторка“ која ќе се игра на теренот на шампионот.
Неверојатниот Џенкинс денешниот дуел го заврши со дури 31 постигнат поен, на кој придодаде и два скока и две асистенции. Во стил го следеа уште двајца Американци вос оставот на „зелено-белите“, Брејси-Дејвис со 15 и Вилсон кој застана на 12 поени.
Танасковиќ беше најрасположен кај МЗТ Скопје со 22 поени.
