Барселона го победи Реал Мадрид со 2-0 на домашен терен со головите на Маркус Рашфорд во 9-тата минута и Феран Торес во 18-тата минута, со што ја обезбеди одбраната на титулата во Ла Лига против нивниот најголем ривал, а остануваат три кола до крајот. Тренерот на Барселона, Ханси Флик, на тој начин ја освои шпанската титула во својата втора сезона во Каталонија, откако го одбрани и трофејот од домашниот Суперкуп.
Сепак, крајот на уште една многу успешна сезона (во првата го освои и Купот на кралот) му донесе семејна трагедија на германскиот стручњак. На денот на Ел Класико почина неговиот татко. Затоа Рашфорд и Торес ги прославија своите голови трчајќи кон својот тренер. Му ги посветија на Флик за барем малку да му го олеснат во тешката ситуација.
По натпреварот, ѕвездите на Реал Мадрид му се приближија на тренерот на Барселона и му изразија сочувство со прегратки. Потегот на Винисиус, Белингам и другите играчи на Реал кон тренерот на нивниот најголем ривал предизвика воодушевување кај навивачите на најголемите шпански клубови и неутралните фудбалски фанови.
🤍 Real Madrid players went to Hansi Flick and offered him their condolences for his father’s passing. @diarioas pic.twitter.com/QAoceuQRjx
— Madrid Xtra (@MadridXtra) May 10, 2026
