Англиски Хал Сити се консултира со адвокати за да утврди дали имаат основа да бараат директно промовирање во Премиер лигата откако Саутемптон беше елиминиран од плејофот за Чемпионшип.
Претходно, аналитичар на Саутемптон беше фатен како го снима тренингот на Мидлсброу пред првиот натпревар од плејофот на клубовите. Саутемптон го победи Мидлсброу пласирајќи се во финалето. Тимот требаше да игра против Хал Сити за промоција во Премиер лигата на 23 мај, но Мидлсброу сега ќе го игра натпреварот.
Хал е незадоволен што ќе мора да игра против Мидлсброу по повеќе од една недела подготовки за натпреварот против Саутемптон.
Играчите на Хал имаа однапред закажан слободен ден денес, а тимот ќе се врати на тренинзите утре – или со два дена за подготовка за натпреварот против Мидлсброу, или можеби со вест дека финалето повторно ќе се игра против Саутемптон, со оглед на жалбената постапка.
Хал ги држи сите правни опции отворени, вклучително и можноста за оспорување на ситуацијата по финалето, објави новинарот Бен Џејкобс.
