Шпанија го победи Перу со 3-1 во нивниот последен тест пред почетокот на Светското првенство во 2026 година. Микел Ојарзабал повторно постигна гол за „Фуријата“, а Педри и Феран Торес одиграа одлично за тимот на Луис де ла Фуенте.
Шпанците не наидоа на сериозен отпор, иако Перу беше тимот што упати повеќе удари. Сепак, „Инките“ не ги искористија своите шанси. Де ла Фуенте успеа да испроба различни тактички опции за натпреварот со Зеленортските острови на 15 јуни. Натпреварот се одигра на стадионот „Куатемок Бланко“ во Пуебла, а Ојарзабал го отвори резултатот во 2-та минута по долг шпански напад и додавање од Пау Кубарси.
За разлика од натпреварот против Ирак, европските шампиони започнаа со состав во кој имаше голем број стартери. Маркос Љоренте и Марк Кукуреља беа на двете крила во одбраната, Родри му беше партнер на Педри во средниот ред, а зад Ојарзабал беа Феран Торес, Фабијан Руиз и Алекс Баена. Перуанците ретко играа со топката, но беа добро групирани и успеаја да ги одбијат нападите на противникот. Во 31-та минута, Феран Торес се проби и се комбинираше со Педри, кој го дуплираше водството на Шпанија.
Европскиот првак броз стигна и до третиот гол. Пино остро центрираше во 53-та минута, голманот на Перу, Педро Хајезе, реагираше лошо и си постигна автогол. Двајцата тренери продолжија со промените во своите состави, а грешката на Ерик Гарсија му овозможи на Перу да врати еден гол. Хаиро Валес постигна гол во 66-та минута.
До крајот, Шпанците го контролираа натпреварот и не се обидоа да ја направат својата победа поубедлива.
