Ламине Јамал кој е еден од симболите на шпанската репрезентација и играчот околу кого се гради иднината на Црвената Фурија, се најде во центарот на вниманието поради едно видео.
Станува збор за видео направено за време на Светското првенство во Катар во 2022 година, кога петнаесетгодишниот Јамал ја славеше победата на Мароко над Шпанија.
Ова, сепак, не е големо изненадување кога се знае дека неговиот татко Мунир Насрауи потекнува од Мароко, додека неговата мајка е од Екваторијална Гвинеја.
Јамал имаше право да игра за неколку репрезентации, но на крајот одлучи да го носи дресот на Шпанија. Во меѓувреме, тој стана еден од најважните играчи на репрезентацијата и еден од лидерите на новата генерација.
Тој одигра голема улога во освојувањето на Европското првенство во 2024 година, додека сега е меѓу главните адути на Шпанија на Светското првенство.
Во второто коло од групната фаза против Саудиска Арабија, тој го постигна својот прв гол на Светското првенство во убедливата победа од 4:0.
Шпанија и Мароко би можеле повторно да се сретнат во финалето на Светското првенство, а старите снимки само дополнително ја разгореа приказната за корените на Јамал и неговиот пат до дресот на „Црвената фурија“.
🚨TRENDING: The time when Lamine Yamal celebrated Spain’s elimination by Morocco at the 2022 World Cup. pic.twitter.com/i4hpFwGIpk
— Polymarket Sports (@PolymarketSport) June 20, 2026
