Македонската женска сениорска ракометна репрезентација со нов селектор ќе настапи на Европското првенство кое оваа година ќе се одржи во пет земји: Полска, Романија, Чешка, Словачка и Турција од 3 до 20 декември оваа година.
Според нашите информации, раководството на РФМ нема да ја продолжи соработката со Кристијан Грчевски чиј договор истече по завршување на квалификациите за ЕП.
Во моментов се размислува за неговиот наследник, а најблиску до клупата на националниот тим е Јулијана Дамчевска. Поранешната македонска репрезентативка долго време е во женскиот ракомет, таа беше селектор на младинската и кадетската репрезентација. Дамчевска долго време е дел од тимот на ЖРК Металург Автокоманда.
Останува кон крајот на овој месец РФМ и официјално да објави кој ќе ја води Македонија на ЕП.
Нашата селекција е сместена во групата Б, каде ќе игра против Норвешка, Романија и Швајцарија. Натпреварите од групната фаза ќе се играат во Клуж.
