Германија беше шокантно елиминирана од Парагвај во осминафиналето на Светското првенство. Во оваа земја, тоа беше претставено како вистинска трагедија, а „странците“ кои го избраа дресот на “Панцерите“ се под посебен напад.
Навредите доаѓаат од сите страни. Се навредува нивното потекло, религија, а коментарите се навистина одвратни.
Германската легенда Тони Крос реши да ги отвори очите на нацијата. Тој вели дека “Панцерите“ немаат играчи од светска класа.
„Во моментов немаме играчи од светска класа“, искрен е Крос, кој потоа ја продолжува приказната:
„Имаме играчи кои имаат потенцијал да станат еден од нив, но тоа не значи дека се од светска класа. Кога имавме успешни турнири, секогаш имав чувство дека можеме да направиме уште повеќе. Овој тим не е способен за тоа. Мислевме дека едноставно ќе го поминеме Парагвај“, рече Тони Крос.
Многу сегашни репрезентативци се чувствуваа повикани бидејќи доаѓаат од најголемите европски клубови, имаат договори вредни повеќе милиони долари и статус на ѕвезда, но еден од најтрофејните Германци на сите времиња јавно ги потсети дека тоа сепак не значи дека се од светска класа.
Прашањето е како неговите зборови ќе бидат прифатени од играчите кои моментално се на чело на националниот тим. Некои од нив никогаш нема да го простат ова. Дел од навивачите и поранешните асови застануваат на страната на Тони Крос. Тие тврдат дека бруталната искреност е она што ја разликува Германија од другите низ годините, способноста ладнокрвно да се признаат слабостите и да се изгради нова, уште посилна генерација.
Дали оваа болна порака ќе ја разбуди фудбалска Германија или дополнително ќе ги продлабочи поделбите во националниот тим, ќе видиме.
