Новак Ѓоковиќ го заврши учеството на Мастерсот во Синсинати по првиот натпревар, откако загуби од Тијаго Агустин Тиранте, проговори за здравствениот проблем што го мачи со години.
Ѓоковиќ загуби од 14-години помладиот Аргентинец по два часа и 44 минути – 2:6, 6:4, 6:4.
„Прво, му честитам на мојот противник. Искрено, ова воопшто не беше пријатен натпревар за мене. Така се чувствував. Не е прв пат, претпоставувам дека нема да биде последен, но што има таму“, рече српскиот тенисер по натпреварот.
Натпреварот се играше на температура од 28 степени, со дури 80 проценти влажност, а Ѓоковиќ откри дека таквите услови се особено тешки за него поради здравствениот проблем со кој се справува долго време.
„Тоа е само здравствен проблем што го имам. Ме мачи во последните неколку години. Имам многу проблеми, особено кога влажноста е висока и топлината е висока. Бев свесен за тоа. Но, постојат и сите овие други работи – нервозата и сè што оди со натпреварот. Сето тоа го влошува и токму тоа се случи.“
Сепак, најголемо внимание привлече неговиот одговор на прашањето дали очекува да се врати во Синсинати следната година.
„Секако се надевам, но за жал, во овој момент се чини поверојатно дека нема. Но, ќе видиме што носи иднината.“
