Брегалница синоќа пред своите фанови ја забележа и втората победа во сезоната во елитната лига. Втор меч како домаќин и втора победа. Беше совладан Башкими со 3:0, а четата на стратегот Никола Кузманов покажа дека не се шегува, напротив. Штипските “сини“ играат добар, борбен, дисциплиниран фудбал, а за тоа своја заслуга има секако и тренерот Кузманов кој по мечот истакна:
„Најголемата заслуга за победата ја имаат фудбалерите! Упатувам огромна благодарност до нашите навивачи ‘Фаланга’ и ‘Ултра Банда’ и до сите љубители на фудбалот во Штип“ истакна Кузманов кој не го криеше своето задоволство од победата на својот тим.
Секако дека по победата, по традиција следуваше и победничкото селфи од Штип.
