Ракометарите на Прилеп се победници на Меморијалниот турнир „Миле Нешкоски“. Во финалниот меч на турнирот кој заврши денеска, Прилеп славеше со 36:29 над екипата на Тиквеш.
Третото место на турнирот го освои екипата на Е. Пелистер 2, која во малото финале го победи тимот на Мулти Есенс со 32:29. Петтопласиран на крајот е Бутел, кој славеше над Младост Богданци со 32:30.
За најдобар играч на турнирот е прогласен Кристијан Симоноски од вториот тим на битолчани.
