Освоен е уште еден медал на МИ 2026 во Таранто. Попладнево во меч од 1/4 финалето на боксерскиот турнир во категоријата до 60 кг, нашиот боксер Ален Рустемовски успеа да извојува победа против Ариол Зенели (Албанија) и со тоа се најде во полуфиналето.Ова значи дека Рустемовски обезбеди најмалку бронзен медал за Македонија на овие Медитерански Игри.
Во текот на целата борба Македонецот имаше предност, беше подобар, а во последната трета рунда, судијата го прекина мечот.
Во полуфиналето Рустемовски за противник ќе го има Шпанецот, Марин Хернандез.
