Македонската делегација на МИ 2026 во Таранто, како што и беше најавено, и официјално се жалеше на судиските одлуки на боксерскиот меч меѓу Рустемовски и Хернандез, на кој нашиот боксер беше ограбен од судиите.
Жалбата и официјално е примена од светската боксерска асоцијација, но пласманот останува непроменет. Тоа значи дека Ален Рустемовски останува на третото место.
“Жалбата е примена, ќе се разгледува, но одлуката за тоа кој ќе боксува во финалето останува непроменета. Единствено што може да се случи е да биде поведена дисциплинска постапка против судиите доколку се увиди судиска тенденциозна грешка и да бидат санкционирани. Одлуката може да биде донесена две недели по поднесокот. Ален Рустемовски останува на трето место на овие медитерански игри“ велат од нашата делегација.
