Македонскиот репрезентативец Себастијан Херера постигна важен гол во победата на неговиот Борац Бања Лука над Викингур од 3:1. Со овој триумф босанскиот тим обезбеди пласман во групната фаза од Конференциската лига.
Херера во 55. минута израмни на 1:1, откако гостите на полувреме имаа водство од 0:1. Неговиот тим до крајот постигна уште два гола во мрежата на противникот за голема радост и потврда на своето место во главната фаза од третото по ранг европско натпреварување на УЕФА.
После мечот Херера во разговор со СпортСпорт не го криеше своето задоволство.
„Пресреќен сум“, беа првите зборови на македонскиот репрезентативец, кој додаде:
„Ова е уште една фантастична ноќ за мене. Среќен сум што му помогнав на тимот да дојдеме до овој резултат. Секако, задоволствот е големо бидејќи повторно ќе играме во групната фаза“, ни изјави Херера.
