Познати се сите осминафинални двојки на Европското првенство во одбојка, откако синоќа се одиграа и последните натпреварите во групите А и Ц. Во Торино ќе се играат четири осминафиналиња, а најинтересно е што Србија ќе се соочи со Словенија, додека Италија ќе игра против Данска.
Комплетната програма во Италија ја сочинуваат и дуелите Чешка – Белгија и Грција – Финска. Италија го освои првото место во групата А по драматичната победа над Словенија, додека Словенците завршија втори. Во групата Ц, Белгија го обезбеди првото место, пред Финска, Србија и Данска.
Во Софија, пак, нокаут-фазата ќе ја отворат Полска – Летонија и Германија – Бугарија, додека во вториот ден ќе се играат Франција – Португалија и Украина – Романија. Овие осминафиналиња се на програмата на 19 и 20 септември, додека натпреварите во Торино ќе се играат на 20 и 21 септември.
Осминафинални двојки:
- Италија – Данска
- Словенија – Србија
- Чешка – Белгија
- Грција – Финска
- Полска – Летонија
- Германија – Бугарија
- Франција – Португалија
- Украина – Романија
Македонија го заврши настапот на ова Европско првенство со една победа и пласман на 5. место во групата „Б“ во Софија. Во првата фаза европскиот шампионат заврши и за Шведска, Словачка, Израел, Естонија, Холандија, Турција и Швајцарија.
