Македонскиот репрезентативец, Андреј Јакимовски беше претставен и официјално ви тимот на Наполи. Тој потенцира дека не се сомневал во изборот на клубот, иако имаше и други атрактивни понуди.
Јакимовски откри дека еден од клучните фактори за неговата одлука е тренерот Јасмин Репеша.
„Воопшто не се сомневав околу изборот на овој проект. Го знам Наполи, играв во оваа сала како гостин лани и знам колку е исполнет со страст овој клуб, со една од најдобрите фан-бази во цела Италија. Имаме квалитетен ростер со одлични кошаркари и верувам дека можеме да стигнеме далеку, како во домашното првенство така и во Еврокупот. Тренерот Репеша е одличен стратег и дефинитивно беше еден од клучните фактори за да ја прифатам оваа понуда. Како што реков, Наполи е сериозен кошаркарски проект и верувам дека ќе можеме да ги оствариме зацртаните цели“, истакна Јакимовски.
