Микел Артета не го криеше разочарувањето по убедливиот пораз на Арсенал од Брајтон со 3:0 во Премиерлигата. „Топчиите“ имаа совршен старт со четири победи, но на „Амекс“ денеска одиграа еден од најслабите натпревари во последниот период.
Артета призна дека Брајтон бил подобар тим и дека неговите играчи не одговориле на потребното ниво во дуелите и во техничката реализација. Шпанецот посебно го нагласи недостатокот на концентрација и грешките кои доаѓале во опасни зони.
„Ова не смее да се повтори“, е пораката што тренерот ја упати по мечот, со јасна најава дека тимот мора да извлече поука.
„Ова е голема лекција за нас. Гледајќи го тоа како тимот играше и се покажа во последните шест или седум недели, тие беа одлични, но денешниот натпревар беше голема лекција за нас“, дополни тој.
Поразот од 3:0 е најтежок за Арсенал во сите натпреварувања уште од мај 2023 година, кога исто така загуби со 3:0 од Брајтон.
