Проблемите во таборот на тимот на Валенсија, каде што секако стандарден меѓу диреците е нашиот Столе Димитриевски се решени со тоа што за нов шеф на стручен штаб е доведен искусниот мексикански стратег, Хавиер Агире.
Неговиот менаџерски тим и спортскиот директор Браулио Васкез ги финишираа преговорите успешно и Агире наскоро ќе биде промовиран за но тренер.
Денеска Валенсија на домашен терен го пречекува Реал Сосиедад, а потоа Агире најверојатно и официјално ќе седне на клупата.
Агире не е непознаница за шпанскиот фудбал напротив, веќе ги водеше Осасуна, Атлетико Мадрид, Реал Сарагоса, Еспањол и Мајорка.
Секако, ова нема премногу да смени во статусот на нашиот Димитриевски, затоа што тој веќе извесен период е врој еден во Валенсија.
