Денеска од 16 часот на градскиот стадион во Струга, во меч од 8.коло, Струга ТЛ го дочекува составот на Арсими. Ова е петти меч сезона на свој терен за стружани, досега беа максимални избраниците на Бледи Шкемби, четири победи во исто толку мечеви. Се посакува и петтата победа. Сепак нема да биде лесно, тимот од Чегране заслужува целосен респект.
Така вели и напаѓачот на стружани Марјан Радески:
„Сакам да кажам дека го почитуваме Арсими, но Струга Трим Лум има свои јасни цели, а тие се трите цели бода да останат во Струга. Сепак, за да се постигне такво нешто, ние како тим мора да дадеме дури и повеќе од максимумот за да дојдеме до посакуваниот резултат. Во модерниот фудбал, сите знаеме дека повеќе нема лесни противници, па затоа мора да бидеме на вистинското ниво, како што знаеме, за да ја продолжиме серијата победи на домашен терен.“ – посочи напаѓачот на Струга ТЛ, кој денес против КФ Арсими ќе го бара својот 30-ти јубилеен гол со „црвено-белиот“ дрес во натпреварите од Првата лига.
Во продолжение Радески истакна:
„Како напаѓач, секогаш го барам тој гол во противничката мрежа, но прво се ставам себеси на прво место како тимски играч, бидејќи само на тој начин можеме повеќе да придонесеме за тимот. Ако секој од нас се стави во служба на тимот, тогаш како тим можеме многу полесно да постигнуваме голови.“ – изјави Радески, кој не ја крие својата желба да ја достигне таа јубилејна цел:
„Секако дека би сакал да го постигнам тој јубилејен гол денес против Арсими, но ќе повторам, за мене и тимот најважно е 3-те бода да останат во Струга и за време на паузата поради натпреварите на нашата репрезентација, да одиме со мирни глави и без преголем товар“.
