Македонските претставници во ЕХФ Европскиот куп, денеска во Виена ги добија противниците за натпреварите во новата сезона од ова европско натпреварување. Бранителот на трофејот во ЕХФ Европскиот куп, ГРК Охрид на патот кон одбраната на трофејот тргнува против турскиот Спор Тото.
Првиот натпревар ќе се одигра во Охрид на 17 или 18 октомври, додека реваншот е закажан за 24 или 25 октомври во Турција.
Екипата на Алкалоид за ривал во ова натпреварување го доби австриски Ферлах.
На ждрепката во Виена, екипата на Бутел Скопје за противник ја доби хрватската екипа Горица. За Бутел ова ќе биде петти европски настап, а трет во ЕХФ Европскиот куп.
