Македонската фудбалска репрезентација ја продолжи негативната пракса – без постигнат гол. Мечот против Швајцарија беше петти на кој нашиот најдобар национален тим не успеа да ја затресе мрежата на противникот.
Играта на теренот во ниту еден момент не ветуваше дека домашните фанови, кои решија од лице место да ги бодрат нашите фудбалери, ќе видат една нова и модерна Македонија, и тоа против еден фаворит. „Црвено-жолтите“ имаат историја која вели дека и против силни селекции сме биле многу подобри (како играчки, така и резултатски).
По натпреварот излегоа оценките и статистиката за учинокот. Од истата добро се гледа дека нашите фудбалери беа во црвената зона. Единствен кој доби позитивна оценка е Столе Димитриевски, кој спречи кастатрофата да биде уште поголема.
