Светот на Формула 1, одсекогаш бил екстравагантен, единствен и полн со ликови кои оставале во јавноста уникатен впечаток.
Валтери Ботас е еден од нив. Возачот, кој што има сериозна репутација во својот спорт, има и друга пасија која што исто така очигледно го исполнува. Велосипедизмот. А со оглед на тоа колку Формула 1 возачите знаат да бидат несекојдневни, Ботас дава пример кој само го потврдува тоа.
Трките во Сепанг и Сингапур важат за едни од физички најнапорните во календарот на Формула 1, а тоа за Ботас е повод за уникатен потег. Возачот, кој инаку е страстен велосипедист, одлучи патот од Малезија до Сингапур да го помине со велосипед наместо со приватен авион. Неговите следбеници на велосипедската апликација „Страва“ можат да се уверат дека Финецот веќе го започнал своето патување.
Според планот што го објави, Ботас има намера да помине околу 350 километри за неколку дена за да стигне навреме за своите медиумски обврски во Сингапур, закажани за четврток. Тој го започна патувањето веднаш по Големата награда на Малезија – трка што не ја заврши поради откажување. Првата етапа, од Куала Лумпур до Порт Диксон, беше долга 56,6 километри, а 37-годишниот возач ја помина за два часа и осум минути.
Formula 1 was in Malaysia this past weekend and will be in Singapore next weekend, so Valtteri Bottas is cycling between the two circuits. His route will likely cover 250 miles and take 14-16 hours of cycling overall, plus it’s also super hot and humid. https://t.co/CDvjas8Aof
— Joe Pompliano (@JoePompliano) October 5, 2026
