Македонската ракометна репрезентација стартува нов квалификациски циклус, овој пат за пласман на Европското првенство 2028 година. Селекторот, Кирил Лазаров го скрати списокот, за дуелите против Луксембург и Швајцарија одбра 18 играчи.
Предводникот на нашиот најдобар национален тим собирот го закажа за во недела во 13 часот, ден кога се игра вечното дерби помеѓу Вардар и Пелистер. За првпат во историја кога Македонија игра важни натпревари, клубовите се одлучуваат да не направат отстапки за националниот дрес…
Откако доби дозвола за настап, Дмитро Хориха ќе дебитира против Луксембург на домашен терен, дуел кој се игра на 4. ноември. Македонија во оваа ЕХФ Недела ќе одигра и против Грција, но на гостински терен.
Лазаров одлучи искусниот Никола Митревски да го стави во резерви, а додека да им даде шанса на Томовски, Галевски и Гогов. На списокот го нема Жарко Пешевски.
