Во емотивна исповед во документарецот на Нетфликс, Мик Шумахер зборува за тешкиот товар и празнината без таткото Михаел, додека семејството сè уште строго се придржува до заветот за приватност на легендата на Формула 1.
Во документарен филм посветен на неговиот татко на платформата „Нетфликс“, младиот возач ја разголи својата душа и изговори зборови што го погодија срцето на секој спортски љубител. Во времето на фаталната трагедија на снегот, Мик беше само 14-годишно момче кое штотуку стапна во светот на трките. Денес, како зрел професионалец што ги следи стапките на својот татко, тој најмногу страда за разговорите што никогаш не успеа да ги води со најголемите во историјата.
Мик многу ретко и со големи тешкотии јавно зборува за својот татко, но во емотивна исповед призна колку товар носи во себе секој пат кога ќе ја стави кацигата на главата и ќе седне во кокпитот:
“Татко ми и јас се разбираме на посебен начин, бидејќи зборуваме ист јазик – јазикот на автомобилизмот. Верувам дека денес би комуницирале многу поинаку токму поради ова. Ќе имавме толку многу теми за приказни… Тоа е она за што најмногу размислувам и буквално би дал сè на светот само за да имам таква можност, рече Мик со очигледна грутка во грлото.
Празнината што ја чувствува не е само за врвовите на кривините, телеметријата и тркачките патеки, туку за наједноставните семејни моменти што повеќето луѓе ги земаат здраво за готово:
“По несреќата, тие моменти едноставно повеќе не постојат, тие моменти што многу деца ги делат со своите родители. Сметам дека е длабоко неправедно на некој начин“, искрен е наследникот на седумкратниот шампион на планетата.
И покрај суровата реалност со која живее повеќе од една деценија, Мик има незаборавни спомени од раното детство. Пред трагедијата во Француските Алпи да им ги преврти животите наопаку, домот на Шумахерови беше исполнет со смеа и безгрижна игра. Мик со посебна топлина се присети на деновите поминати со својот татко, мајка Корина и сестра Џина-Марија:
“Беше прекрасно детство. Најмногу се сеќавам на безгрижните семејни денови, возење картинг низ селата, јавање пониња и дружење заедно подалеку од патеките и камерите“.
Сопругата на славниот шампион, Корина Шумахер, во документарецот објасни зошто јавноста со години не знае ништо за деталите за здравјето на Михаел. Михаел инсистираше на ригорозно одвојување на семејството од очите на јавноста, па затоа неговата сопруга и децата сè уште безусловно го почитуваат неговиот завет и ја штитат приватноста на четири ѕида.
