Македонската фудбалска репрезентација во ноември продолжува со натпреварите во Лигата на Нации. На домашен терен нашите момци ја пречекуваат Словенија, дуел кој се игра на 16. ноември, а билетите за овој меч ќе бидат пуштени во продажба од понеделник.
„Фудбалската федерација на Македонија ги информира навивачите и љубителите на фудбалот дека продажбата на влезниците за натпреварот Македонија – Словенија, кој ќе се одигра на 16 ноември (понеделник) на Националната арена „Тодор Проески“ во Скопје, ќе започне на 2 ноември (понеделник).
За овој натпревар од 5. коло во Лига на Нации / група Б, цената на билетот ќе изнесува 500 денари. Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk“. , велат од ФФМ.
