Дионтеј Вајлдер се согласил да се бори против непоразениот Австралиец Џаи Опетаја на боксерскиот спектакл чиј главен настан ќе биде пресметката меѓу Тајсон Фјури и Ентони Џошуа, закажана за 11 декември во Кардиф.
Според информациите на боксерскиот новинар Ден Рафаел, менаџерот на Вајлдер, Шели Финкел, потврдил дека ја прифатиле понудата за борба, но договорот сè уште не е потпишан. Дополнително, останува да се утврди и тежинската категорија во која би се одржал дуелот.
Опетаја е еден од најдобрите боксери и има перфектен професионален биланс од 31 победа без пораз. Евентуалниот дуел со Вајлдер би значел негово искачување во тешка категорија, каде што би го чекал поранешниот светски шампион познат по разорниот удар.
Вајлдер, кој има 40 години, последниот меч го имаше во април, кога со поделена одлука го совлада Дерек Чисора во Лондон. Главната борба Фјури – Џошуа е закажана на стадионот „Принсипалити“ во Кардиф, а настапот на Вајлдер и Опетаја сè уште не е официјално потврден.
