Кошаркарите на Црвена звезда славеа голема победа на гостувањето кај Олимпијакос со 62:57 во натпреварот од 10. коло во Евролигата. Белградскиот тим одигра речиси совршено прво полувреме, стекна предност од 18 поени (40:22), а потоа издржа силен налет на домаќините и го сочува триумфот во драматична завршница.
Џонс уште еднаш покажа дека може да преземе одговорност во најважните моменти, потврдувајќи ја својата улога на еден од лидерите на белградскиот тим.
Победнички продолжи и Партизан. Белграѓани забележаа убедлива победа над Макаби Тел Авив со 88:67. „Црно-белите“ одиграа одлично пред своите навивачи и со сигурна игра во текот на целиот натпревар стигнаа до триумф од 21 поен разлика. Партизан ја доби првата четвртина со 28:23, а клучната предност ја создаде во вториот период. Белградскиот тим ја затвори првата половина со серија добри напади, добивајќи ја четвртината со 22:12 и заминувајќи на пауза со предност од 50:35. Во продолжението домаќините ја задржаа контролата врз натпреварот. Третата четвртина заврши со 22:17 за Партизан, кој во последниот период без поголеми проблеми ја сочува високата предност и ја потврди победата со конечни 88:67.
