Поради лошата состојба на теренот во Струмица, по експресна реакција на УЕФА, еден дел од натпреварите во групата Б5 во квалификациите за пласман на ЕП за играчи до 19 години ќе се играат во Скопје.
Квалификациските дуели почнуваат утре, а Македонија своите дуели во групата ќе ги игра на теренот во Турново. Таму утре од 13 часот на стартот се среќаваме со селекцијата на С. Ирска, додека вториот меч кој требаше да се одигра во Струмица, ќе мора да се пресели на теренот на ФФМ и ќе започне во нов термин од 15 часот.
