Ѓоко Хаџиевски е главен фаворит за нов тренер на Локомотив Софија, пренесува „Тема Спорт“. Поранешниот тренер на ЦСКА Софија и Спартак Варна денеска се очекува да пристигне во клубот од населбата „Надежда“ на завршни преговори, по кои би требало да потпише договор и официјално да биде претставен.
Како една од опциите за тренерската позиција се споменувал и актуелниот тренер на Локомотив Пловдив, Душан Косиќ. Сопственикот на клубот Христо Крушарски му го предложил словенечкиот стратег на својот колега Веселин Стојанов, но двете страни не успеале да постигнат договор околу обесштетувањето за неговото ангажирање.
Хаџиевски последен ангажман имаше токму во Спартак Варна, од каде си замина кратко по почетокот на сезоната.
Локомотив Софија остана без тренер по разделбата со Љубослав Пенев. На последниот натпревар против Септември Софија, одигран на стадионот „Герена“, тимот го предводеше директорот на младинската школа, Александар Георгиев.
Според информациите на бугарските медиуми, договорот со Пенев не бил раскинат со меѓусебна согласност. Клубот му исплатил обесштетување на тренерот, чиј износ бил намален по преговорите во однос на првично предвидената сума во договорот.
Покрај Хаџиевски, меѓу имињата што биле разгледувани за тренерската позиција се и Јавор Вълчинов, Георги Донков, Александар Томаш и Павел Дочев.
Донков бил меѓу фаворитите и по заминувањето на Станислав Генчев на крајот од минатата сезона, но тогаш раководството се одлучило за Љубослав Пенев.
