Дали Словенија со победата во Скопје му ја „отвори“ вратата на Кек за нов селектор на Македонија!?

1

Не дека е недопорлив, долготраен и човек кој води проект, но Гоце Седлоски по вчерашниот убедлив пораз дома од „скромната“ Словенија стави до знаење дека „тенка“ е иднината на Македонија со него како селектор на клупата.

 

Без резултати, голови и бодови.., тешко дека некој би можел да размислува позитивно во овие тешки ако не и најтешки денови, месеци и година кога станува збор за националниот тим на Македонија. Веќе почна да се користат и термините оставка, отказ, смена…

Штом публиката и народот тоа го бара – спас и речиси нема. Сега останува на ФФМ и челните лица да седнат на маса и да анализираат и донесат одлука околу иднината на Гоце Седлоски но и околу иднината на уште други селектори во помалите селекции каде исто така не е запазен одреден напредок.

“Ќе видиме, да преспиеме…“, беше одговорот на Гоце Седлоски вчера по натпреварот а на новинарско прашање на прес конференцијата.

Странец како прв пик – Матијаж Кек е повторно на „радарот“

Клупата на Гоце Седлоски е сериозно разнишана. Секој потег на ФФМ околу негова смена би дошло во вистинско време со оглед на големиот гнев и револт кој владее кај јавноста и навивачите по последните случувања околу и во репрезентацијата. На подобро никако не оди работата, а проблемите само се таложат.

Па оттука и прашањето: „Дали Словенија вчера со убедливата победа во Скопје му ја отвори вратата на нивниот тренер Матијаж Кек за позицијата селектор на Македонија!?“

Се зборува дека странец би бил новиот селектор и дека човекот кој имаше успех на клупата на Словенија сега повторно е во игра. Тој беше неколкупати поврзуван со клупата на нашата репрезентација. По заминувањето на Ангеловски, по смената на Милевски… а еве и сега.

Се споменуваше неговото име во одредени кругови и вчера пред натпреварот а еве и денеска по дебаклот. Останува времето да даде одговор на овие дилеми. Матијаж Кек во моментов е тренер на екипата на Ријека од Хрватска. Ние не го забораваме другиот Словенец, Среќко Катанец со кој имавме успешни години.

ПретходноСловенците во прашалници по вчерашниот навивачки дебакл на Арената… каде исчезнаа навивачите во Скопје?