Некои пријателства, врски и конекции се случуваат пред многи години и децении но се паметат вечно и таквите човечки односи и другарувања траат вечно.
Нашиот легендарен фудбалер Агим Ибраими и еден од најдобрите голмани на денешницата Јан Облак беа клубски другари во Олимпија од Љубљана во периодот од 2008 до 2010 година. Вчера во Скопје нова средба и посебен момент.
Дресот со број 1 на Словенија со посвета за малиот син на Агим Ибраими. Ден по натпреварот малиот Адор Ибраими се „пофали“ со специјалниот подарок од големиот Јан Облак.
„Подарок од една легенда…“,стои во објавата на Агим Ибраими на социјалните мрежи. Дресот на Облак заврши на најдоброто можно место иако истиот беше посакуван од многумина.











