Стефан Ристовски, капитенот на нашата репрезентација и член на Динамо Загреб во моментов игра во одлична форма. И не само што игра, и не само што станува збор за десен бек, тој дава и голови, и тоа убави голови со кои Динамо Загреб победува.
И кога веќе е така, тогаш јасно е дека од коло во коло, Стефан е во тимот на колото во ХНЛ. Така и овојпат откако на мечот со Истра постигна ефектен гол за победа на Динамо од 1:0.
Тој гол и тој настап за “модрите“ на Стефан му го донесоа признанието да биде дел од идеалниот состав на колото. Покрај Ристовски во тимот на колото е и неговиот клупски и репрезентативен колега, капитенот на Динамо Загреб, Аријан Адеми.
