Кошаркарите на Милвоки синоќа на гостински терен го совладаа тимот на Вашингтон со 117:111 и со тоа го задржаа првото место во Источната конференција на НБА лигата. Бакс до 46-та победа сезонава ги предводеше Јанис Адетокунпо со 23 поени, 13 асистенции и десет скока, што беше негов четврти трипл-дабл во сезоната.
Кошаркарите на Њујорк славеа на гостински терен против Бостон по две продолженија со резултат 131:129. Имануел Квикли беше најефикасен во редовите на Никс со 38 поени, што е негов рекорд во кариерата, а го следеа Џулиус Рендл со 31 и Ри Џеј Барет со 29 поени. Селтикси беа предводени од Џејсон Тејтум со 40 поени.
Лос Анџелес Клиперс ја прекинаа серијата од пет порази откако го победија Мемфис со 135:129. Пол Џорџ беше најдобар во победничкиот тим со 42 поени, додека Кавај Ленард додаде 34 поени и 10 скока.
Претходно синоќа Индијана го победи Чикаго на гости со 125:122, додека Лос Анџелес Лејкерс победи против Голден Стејт со 113:105.
НБА РЕЗУЛТАТИ:
Бруклин – Шарлот 102-86
Орландо – Портланд 119-122
Хјустон – Сан Антонио 142-110
Оклахом а- Јута 129-119
Бостон – Њујорк 129-131 (прод.)
Вашингтон – Милвоки 111-117
ЛА Клиперс – Мемфис 135-129
Далас – Феникс 126-130
Чикаго – Индијана 122-125
ЛА Лејкерс – Голден Стејт 113-105
