Денвер поведе со 1:0 во финалето од плеј – офот во НБА. Утринава на свој терен, Нагетси со 104:93 триумфираа во првиот меч против Мајами.
И уште еднаш магија на Никола Јокиќ, нов рекорд, нов трипл-дабл. Иако делуваше незаинтересирано, не се ни испоти што се вели, Србинот постигна 27 поени, имаше 10 скокови и 14 асистенции.
Имаше само 12 шута од поле, но затоа од слободни фрлања беше одличен.
Ова е уште еден негов трипл-дабл во плеј-офот. Јокиќ во своето деби во едно големо финале во НБА, впиша нови рекорди.
Имено тој е самиот третиот играч во НБА кој во една сезона во плеј – офот имал 450 поени, 150 скокови и 150 асистенции, претходно тоа го направиле само Лари Брд и Леброн Џејмс.
Исто така Јокиќ е осмиот играч во историјата кој на стартот од една финална серија имал трипл-дабл.
Мајами беше уморен, Денвер одличен, па затоа Јокиќ, Џамал и другарите поведоа со 1:0. Сега се на три победи до историја, до првиот трофеј во НБА.
🏀Debutó Nikola Jokic en la #NBAFinals con 27 putos, 10 rebotes, 14 asistencias y victoria para los Nuggetspic.twitter.com/pqnkjExdjb
— Radio MARCA (@RadioMARCA) June 2, 2023
