Мила Рељиќ не успеа да ја помине четвртфиналната препрека на Европските игри во Краков, Полска. Македонската таенквондистка утринава ја совлада Каролин Гјелсвик од Норвешка во првото коло со 2:0 во рунди, а попладнето е поразена од Петра Столбова од Чешка со 2:1 во рунди.
Чешката претставничка поведе со 1:0, Рељиќ изедначи и во решавачката рунда противничката беше подобра и се пласира во полуфиналето.
