Новак Ѓоковиќ се пласираше во четвртфиналето на Мастерсот во Синсинати откако утрово го победи Французинот Гаел Монфис со 2:0 (6:3, 6:2).
Српскиот тенисер по 19-ти пат во кариерата славеше победа против овој ривал и тоа во исто толку одиграни натпревари.
Доминацијата на српскиот тенисер започна на 3:3 во првиот сет, кога на негов сервис го доби гејмот без загубен поен. Монфис лесно дозволи нов брејк, а потоа уште два.
Ѓоковиќ во вториот сет рутински го приведе мечот до крај и закажа дуел со Тејлор Фриц во четвртфиналето.
Првиот фаворит на турнирот, светскиот рекет бр. 1, Карлос Алкараз со многу мака се пласираше во четвртфиналето, соладувајќи го одличнот Томи Пол со 7:6 (6), 6:7 (0), 6:3.
Дуелот донесе голема битка, но на крајот Шпанецот конечно го најде рецептот да го победи многу непријатниот Американец и да закаже дуел со Австралиецот Пaрсел.
