Во меч од 5.коло во Серија А, попладнево на „Сан Сиро“, Милан со 1:0 ја победи Верона. Тешко, но заслужено. Со овој триумф Милан колку толку се рехабилитира по катастрофата минатиот викенд на градското дерби. Одлучувачки беше голот на Рафа Леао и тоа во 8.минута. Ова се значајни три бода за тимот на стратегот Пиоли.
Инаку овој меч доцнеше речиси половина час и тоа поради страшното невреме кое го зафати Милано. Тоа се чини беше “библиски потоп“, немаше никакви услови за игра па затоа место во 15 часот, овој натпревар започна во 15.25 часот.
