Репрезентацијата на Србија во последното коло од квалификациите за ЕП 2024 против селекцијата на Бугарија ќе мора да игра пред празни трибини. Иако се очекуваше спектакл и полни трибини на стадионот „Дубочица“ во Лесковац, дуелот мора да се игра пред празни трибини поради казната која УЕФА и ја изрече на Фудбалската федерација на Србија за инцидентите на мечот со Црна Гора.
УЕФА ја казни Србија поради „расистички испади“ на мечот со Црна Гора и со парична казна од 50.000 евра. Натпреварот со Бугарија е решавачки за Србија во борбата за пласман на ЕП 2024.
