Швајцарецот Марк Одермат е победник на велеслаломот кој денеска се возеше во Алта Бадија во рамките на Светскиот куп. Второто место му припадна на хрватскиот скијач Филип Зубчиќ, кој со одличното второ возење заостана само 19 стотинки зад Швајцарецот, кој е и лидер во генералниот пласман.
Словенецот Жан Крањец беше трет, со заостанување од нешто повеќе од две секунди зад Зубчиќ и 2,26 секунди зад Одермат.
Во генералниот пласман во велеслалом, Одермат е прв со 200 бодови, додека Зубчиќ го дели второто место со Шварц со 130 бодови. Во генералниот пласман во Светскиот куп лидер е Одермат со 356 бодови.
