Бесар Гуџуфи до јуни ќе го носи дресот на Шкупи како позајмен играч од екипата на Бешикташ. Овој млад талент веќе е со чаирчани на подготовките во Анталија а неговата промоција се очекува во наредните неколку денови. Станува збор за дете од школата на Вардар кој пред две години замина во младинскиот тим на Бешикташ.
Неговиот ангажман во Шкупи се чини дека е полн погодок за тимот од Скопје кој зимава успева да привлече двајца млади голгетери кои се производ на Вардар. Пред неколку дена во Шкупи пристигна и Џемаил Ибиши кој по неуспешната епизода во Локомотива од Загреб се врати во Тиквеш а еве сега и во тимот кој се бори за шампионската титула.
