Ракометната репрезентација на Унгарија го освои петтото место на Европското првенство 2024 по денешната победа над Словенија со 23:22. Тоа е најдобриот пласман на унгарската репрезентација на евро-шампионатите, а победата ја оствари во тешка борба со словенечките ракометари кои имаа предност на полувреме од 13:12.
На почетокот на вториот дел Унгарците постојано го бркаа водството на Словенија за некаде на 10 минути пред крајот да го свртат резултатот и да го контролираат водството. Во последните две минути Словенија не успеа да постигне гол, на крајот Унгарците се радуваа.
Кај Словенија најефикасни беа Благотиншек и Зарабец со по четири голови, а кај Унгарците со по пет голови беа Банхиди и Лекаи.
